Nama : Hera Herliana
Kelas : IA
NIM : 12211007
M.
Kuliah : Budaya Sunda
Budaya Sunda Anu Langka Jaman
Kiwari
Sélér
bangsa naon waé jeung dimana waé
tangtu ngabogaan budaya séwang-séwangan,
sakapeung méh sarua,sakapeung béda
pisan. Utamana waé budaya sunda anu kudu
dimumulé
ku urang salaku orang sunda tangtu ngabogaan kacirina upamana tina pakéan,
kasenian, kadaharan, wangun imah jeung adat istiadat. Tapi loba jaman
kiwari tina éta
kabudayaan sunda téh anu tara dipaké
tur dimumulé ku orang sunda sorangan.
Dina
pakéan
sunda awéwé
baheula sok maké kabaya anu
mangrupakeun pakéan ciri khasna éta
sunda, tapi dina jaman kiwari loba urang sunda ngagunakeun pakéan
anu modern dina acara resmi malah mah ngarasa éra
jeung gengsi lamun maké kabaya sabab kabaya
dianggapna mah kuno padahal mah éta téh
mangrupakeun kabudayaan sunda kudu dimumulé sangkan henteu
punah najan loba pakéan anu modern anu
datangna ti nagara asing.
Kasenian sunda anu langka jaman
kiwari nyaéta kasenian reog ngagunakeun dogdog
gendang anu ditabeuh, di barengan ku gerak tari anu lucu jeung lawak ku para
pamaénna
biasana ditepikeun ku pesan sosial jeung kaagamaan. kasenian reog dipaenkeun ku
opat urang, nyaéta dalang anu ngatur
kaulinan, wakilna jeung ditambah ku dua pamaén salaku
pembantu. Dalang maénkeun dogdog anu ukuran
20 cm anu disebut dogdog tilingtingtit. Wakilna nyepengan dogdog anu ukuran 25
cm anu disebut panempas, pamaén katilu ngagunakeun
dogdog ukuran 30-35 cm anu disebut bangbrang, pamaén
ka opat nyepeng dodog ukuran 45 cm anu disebut badugblag. Lila pageularanna
antara sajam nepi ka sajam satengah. Lagu-laguna aya ogé
panabeuhna waditra jeung palengkepan misalna dua buah saron, gendang,
rebab, goong, gambang jeung sajabana, anu fungsina nyaéta
pangiring lagu-lagu salaku selingan atawa palengkep. Alat musik anu dipakédina
reog nyaéta
reog anu sok disebut dogdog atawa ogél anu
diantawisna nyaéta dalang, wakil,
beungbreung ,gudubrag, jeung kecrék. Alat musik
pangiring reog biasana kendang, goong, tarompet jeung kacapi.Tapi dina jaman
kiwari pamaén jeung kelompok organisasina geus
langka. Dina ayana ogé paling ti kelompok
generasi anu sepuhna. Pageularana ogé geus langka
lantaran kurangna panggilan keur tampil, masyarakat ayeunamah lobana nanggap
musik modern. Padahal mah loba masyarakatbanu ngarepkeun supaya media masa
saperti : TVRI, jeung stasiun TV swasta nayangkeun jenis-jenis kasenian saperti
réog.
Kadaharan asli sunda ogé
loba rupana contona saperti ali agrem, dodol garut, cilok, ciréng,
misro, combro, kurupuk, oncom, ondé, papais,
raginang, rujak, sambel, surabi, tahu Sumedang, katimus, jengkol, tapi
kadaharan sunda anu geus langka jaman kiwari nyaéta
awug kadaharan khas urang sunda anu dijieuna tina tipung béas,
tipung ketan, gula beureum, kalapa parud, jeung bentukna krucut, jalma nu
diluar sunda ogé sok mikaresep kana
dahareun kusabab jeung rasana unik biasana sok dipaké
oléh-oléh.
Awug ogé
bisa bisa disebut tipung béas anu dilapis lapis ku
gula beureum, daharna sok dibeulahan siga meulahan roti terus dipurulukan ku
kalapa parud, adonan tipung béas anu diseupan
bareng jeung gula beureum, baheula mah
dijieuna dina pas usum panen tapi kiwari geus tara aya.
Wangun imah ciri khas sunda nyaéta
panggung (aya kolongan) bedana jeung imah panggung sélér
bangsa lain (batak, dayak, minangkabau) nyaéta luhurna
kolong mah teu pati luhur. Suhunan imah tatar sunda mah rupa-rupa aya julang
ngapak, jogo anjing, heuay badak, juré limas jeung léang-léang.
Pohangan imah dibagi nurutkeun babagian anu khusus, nyaéta
bagian hareup leupas ngumpulna sémah lalaki,
enggon (kamar saré) jeung bagéan
dapur (hawu jeung padaringan) gudang tempat nendeunan, bagian tukang imah
pikeun awewe (goah, pabeasan). tapi dina
jaman ayeuna lolobana orang sunda ngawangun imah anu gedong sigrong jiga jaman
kiwari, paling jalma anu kurang mampu anu ngawangun imah ciri khas sunda nyaeta
panggung.
Utamana waé
loba adat istiadat kabiasan anu langka dina jaman kiwari. Saperti dina ngurus
orok baheula mah réréana
ngalahirkeun téh ku paraji. Ayeuna mah ilaharna ku bidan atawa dokter. Terus
paraji sok mapagahan ka indungna éta orok cara
ngamandian, cara ngabedongna, cara ngamongmongna, jeung tepi ka marancahana.
Lamun orok heuay téh sok dihalangan
sungutna ku ramo, bari ngucap “sup baju ka kurungan”. Baheula mah ngubaran orok
anu sisiduen téh ku reuwas, nyaéta
rada digebah bari ngucap “maling cikur” lamun masih kénéh
sisidueun sok digeubah bari ngucap “maling jahé”,lamun
orok tuluy-tuluy baé sisidueun sok
ditapelan pucuk daun seureuh atawa atawa ku rambu samak diantara halisna. Ari
sisidueun teh kusabab katiisan kiwari mah sok langsung waé orok
teh dibalur ku kayu putih atawa minyak tawon supaya haneut. Palebah orok
katerap panas tiris atawa ceurik teu pupuguh, pangheula-heulana dibura ku
panglay, dipupuk ku gegejok jeung sawanan. Lamun orok beresin sakali, sok
ditenbalan ku indungna ku ngucap “ceng sawan”, lamun ngadua kalian beresinna,
sok ditembalan ku indungna “hurip waras”. Nya kitu deui lamun orok kabesekan
sok ditembalan, pokna téh: “bong-bong jalan ka
gedong”.
Menera
budak lalaki kitu deui geus nincak mangsa anu mejeuhna disundatan ogé
teu lepas tina adat kabiasaan . di urang nepi ka kiwari geus jadi kabiasaan,
lamun aya budak lalaki disundatan atawa dihitan baheula mah teu lepas tina adat jeung
kabiasaan nyaéta sok diayakeun raramean. Keur anu
salametan rongkah mah, saméméhna
budak disunatan téh sok dibawa helaran,
dina iring-iringan seni kuda rénggong mun di Sumedang,
atawa sisingaan mun di Subang. Tapi di daérah séjén
gé
sok rajeun nanggap kuda rénggong atawa sisingaan,
kiwari mah di daérah pakotaan geus
langka anu ngaréncéng-réncéng
budak anu disundatan modél baheula téh.
Ayeuna mah lolobana di gedong nu meunang nyéwa. Kitu ogé
keur nu loba duit, Ari anu basajan mah cukup ku siduru isuk waé.
Disundatan gé baheula mah masih kénéh
ku paraji, nu sok padanyebut bengkong. Ari paraji tukang ngurus nu ngalahirkeun
mah disebutna indung beurang.Tapi lamun ayeuna mah réa
nu ngahaja datang ka tempat praktekna .kitu ogé
dinamangsa kawinan.
Kitu
ogé
dina mangsana kawinan. Prak-prakna upacara ngawinkeun di unggal daérah
tara leupas tina adat istiadat. Lamun upacarana dibarengan ku kasenian,
kasenianna oge béda-béda.
Aya wayang golék, wayang kulit, jaipongan, degung,
tarling, atawa kasenian sejenna. Eta téh sok
diayakeunna sabada acara nu poko nyaéta walimahan, dina
jaman kiwari mah lolobana sok ngayakeun musik
dangdut.
Sabenerna
loba kénéh
budaya sunda anu lainna anu teu di pikawanoh ku urang sunda sorangan. Budaya
sunda anu langka jaman kiwari sabab ka pangaruhan jaman anu modern sahingga
urang sunda lolobana nurutkeun budaya barat. Urang salaku urang sunda kudu
ngamumulé
adat budaya karuhun jeung bisa nyaring kana budaya anu datang ti luar anu perlu
disesuaikeun jeung kabudayaan urang, sangkan ieu budaya sunda téh
tetep aya anu ngajadi ciri sélér
bangsa sunda.
No comments:
Post a Comment